لايف ستايلمنوعات

المطرب كريس حوّاط في تعليق على إقفال البلد من جديد

"يعني هلق عم تحطو اللّوم عل مطاعم و الملاهي؟ و عم تهاجمو الفنانين؟"

كتب المطرب والرائد في مجال الأعمال كريس حوّاط عبر فايسبوك:

قمتو القيامة على ليلة و اقل واحد فيكن الو اسبوعين فلتان عل طرقات! نحنا لما انطلب منا نسكر سكرنا اول ناس، بس نتيجة الخطة اجت سلبية!

اذا “الضربة عل حافر و ضربة عل مسمار” على حساب المطاعم و الملاهي لا ما رح نقبل ننهان و ينحط الحق علينا.

يعني هلق عم تحطو اللّوم عل مطاعم و الملاهي؟

و عم تهاجمو الفنانين؟

وين كنتو بس قلنا سكرو المطار؟ هاجمتونا.. بس بدكن الدولارات!

حبيبي الدواير الرسمية و النافعة و غيرها ناس فوق بعضها…

اليوم البنوك قدام كل ATM في الف زلمي ما في بنك عذب حالو يحط تلزيق إشارات عل ارض للتباعد!

Etoile – Garden – Rue30 – Stephano Café

متل ما في ناس عايشة بل يوم، في اجارات عم تندفع و موظفين ماتو من الجوع ب هيدا القطاع و ما في مين يعوض.

شوفو دولتكن يلي مش قادرة تعوض ع حدا، و لا تقلو قعود بالبيت من قمّنلك كل شي.

شوفو دولتكن يلي مش قادرة تسيطر الا على قطعة زغيرة من البلد (و عنا شهود على محلات و محلات لا التزمت ولا حدا اجا صوبا ب اول و تاني و تالت تسكير).

روقو شوي لكل طرزان عامل حالو فهمان و مستنفر! كل واحد يبلّش من حالو!

بس سكرنا المطاعم و الحانات و الملاهي آخر مرّة بزكركن انو زادو الحالات ما نقصو، هيدي نتيجة الـLockDown    مع ١٠٠ استثناء تبعكن. سكّرو مظبوط تبقو بس بدكن تسكّرو!

بكرا جلسة بل شاليه مع اورغ و ٤٠ شخص ب مترين مربعين، ب رأيكن افضل من محل مجهز و مهوّى و موظفينو ملتزمين ما هيك؟

Ps: الاعداد زادت لانو عدد الفحوصات زادو في ٨٠ الف لبناني راجع مسافر و مجبور بالفحص.

٥٠ او ٦٠% مش قادرين يعملو الفحص و عم يعدو بعضن البعض بلا ما نحس.

#اللوم_عل_كل

#اول_شي_الدولة

#المواطن_مجمر

#خلصنا_بقى

#سلام_عليكم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى